2026 онд Blizzard Entertainment студи үүсгэн байгуулагдсаны 35 жилийн ой тохиож байна. Үүнтэй холбогдуулан домогт студи өнгөрсөн замаа дүгнэсэн төдийгүй ирээдүйн төлөвлөгөөгөө цухас дурдсан маш сонирхолтой видео бичлэг нийтэлжээ.
Бичлэгт Blizzard-ийн тоглоом зохион бүтээгчдийн ажлын ширээн дээрх үе үеийн компьютер, хэрэглэлүүдийг харуулсан байна. Эдгээр техникүүдийн тусламжтайгаар Warcraft, Diablo, StarCraft, World of Warcraft, Hearthstone болон Overwatch зэрэг студийн гол франчайзууд бүтээгдсэн түүхтэй. Бичлэгийн зохиолчид эдгээр тоглоомуудыг “хиймлээр дуурайх боломжгүй ур чадвараар бүтээгдсэн” хэмээн онцолсон нь генератив хиймэл оюун ухаан (AI) нь хүний авьяас чадвар, бүтээлч сэтгэлгээг орлож чадахгүй гэдгийг сануулж байгаа хэрэг юм.
Бичлэгийн төгсгөлд нэгэн хөгжүүлэгч бал аваад хоосон цаасны дээр барьж буй нь Blizzard-ийн “шинэ бүлэг” эхэлж буйг бэлгэджээ.
Удахгүй болох шууд дамжуулалтын хуваарь:
- 1-р сарын 29, 18:00 (CET): World of Warcraft-д зориулсан эфир.
- 2-р сарын 4, 19:00 (CET): Overwatch-ийн шинэ мэдээллүүд.
- 2-р сарын 9, 18:30 (CET): Hearthstone-ийн дамжуулалт.
- 2-р сарын 11, 23:00 (CET): Diablo-ийн шинэ мэдээллүүд.
Blizzard-ийн шинэ бүлэг маш завгүй үргэлжлэх төлөвтэй байна. World of Warcraft-ийн дэмжлэг үргэлжилж, Diablo IV хоёр дахь өргөтгөлөө хүлээн авахаар бэлтгэж байгаа бол Overwatch 2 тогтмол шинэчлэлтүүдээ авсаар байна. Түүнчлэн, ирэх 9-р сард StarCraft-ын ертөнцөд өрнөх шинэ шутер (shooter) тоглоомыг танилцуулж магадгүй гэсэн цуу яриа гараад байгаа юм.
