ESL байгууллагаас Intel Extreme Masters (IEM) Kraków 2026 тэмцээний нэг болон хоёрдугаар шатны оноолтыг албан ёсоор танилцууллаа. Тэмцээн 1 дүгээр сарын 28-наас эхлэн гал гарсан ширүүн тулаануудаар нээлтээ хийхээр хүлээгдэж байна.
1-р шат (Stage 1): 1 дүгээр сарын 28–30
Энэхүү шатанд нийт 16 баг өрсөлдөж, ялагчид нь хоёрдугаар шатанд шалгарах эрхээ авах юм. Эхний өдрийн оноолтууд дараах байдалтай байна:
- Aurora болон GamerLegion багууд эхний тоглолтоо хийнэ.
- Virtus.pro болон HEROIC багууд хоорондоо өрсөлдөнө.
- Team Liquid баг Ninjas in Pyjamas-тай хүч үзэхээр болжээ.
- Passion UA баг хүчирхэг G2 Esports-ийн эсрэг тоглоно.
- 3DMAX баг FUT Esports-ийн эсрэг оноолт таарчээ.
- M80 болон paiN Gaming багууд учраа таарсан байна.
- Astralis баг Imperial -ийн эсрэг тоглолтоо эхлүүлнэ.
- NRG болон B8 багууд эхний шатны сүүлийн хослолыг бүрдүүлж байна.
2-р шат (Stage 2): 1 дүгээр сарын 31 – 2 дугаар сарын 3
Хоёрдугаар шатны тоглолтууд хоёр хэсэгт хуваагдан явагдах бөгөөд хэсэг тус бүрт шууд уригдсан 4 баг дээр эхний шатнаас шалгарсан багууд нэмэгдэн өрсөлдөх юм.
А хэсэг (Group A): Энэ хэсэгт Монголын The MongolZ баг багтсан бөгөөд тэд FURIA, Natus Vincere (NAVI), Team Spirit зэрэг хүчирхэг багуудтай нэг дээд хүснэгтэд (Upper Bracket) орсон байна. FURIA болон The MongolZ нар тус тусын өрсөлдөгчийнхөө эсрэг эхний тоглолтоо хийх бол NAVI болон Team Spirit нар хүснэгтийн нөгөө талд байрлажээ.
Б хэсэг (Group B): Энэ хэсэгт Vitality болон FaZe Clan нар хэсгийнхээ эхний тоглолтуудад оролцохоор оноолт таарсан байна. Харин MOUZ болон Falcons багууд хүснэгтийн доод хэсэгт хуваарилагджээ.
