18
Бразилын кибер спортын MIBR байгууллага Counter-Strike 2-ын бүрэлдэхүүндээ өөрчлөлт оруулж, дасгалжуулагч Жонатан “jnt” Силва багийг орхиж байгааг албан ёсоор зарлалаа. Тэрээр 2025 оны 3 дугаар сард FURIA Female багт ажиллаж байгаад MIBR-д нэгдсэн юм.
Түүний удирдлага дор баг дараах амжилтуудыг үзүүлжээ:
- BLAST.tv Austin Major 2025 болон StarLadder Budapest Major 2025 тэмцээнүүдэд оролцсон.
- Өмнөд Америкийн бүс нутгийн тэмцээнүүдэд тэргүүлж байсан.
- Гэсэн хэдий ч StarLadder Budapest Major тэмцээнд 23-24 дүгээр байрт шалгарч, сүүлийн хоёр тэмцээндээ тааруу амжилт үзүүлсэн нь түүнийг явахад нөлөөлсөн байна.
MIBR-ийн зүгээс jnt-д 2025 онд багийг ахлан шаргуу ажиллаж, өөрийгөө бүрэн зориулсанд нь талархал илэрхийлжээ. Сонирхуулахад, багийн туслах дасгалжуулагч Гильерме “texxas” Мэйворм өнгөрсөн 11 дүгээр сард мөн ажлаа өгсөн юм.
MIBR-ийн одоогийн бүрэлдэхүүн:
- Рафаэль exit Ласерда
- Брено brnz4n Полетто
- Фелипе insani Южи
- Алексей Qikert Голубев (зээлээр)
- Климентий kl1m Кривошеев (зээлээр)
Дашрамд дурдахад, IEM China 2026 тэмцээний шагналын сан 1.25 сая ам.доллар болж нэмэгдсэн бөгөөд үүний 250,000 ам.долларыг IEM Cologne-ийн “Club Reward”-аас шилжүүлэн олгохоор болсон байна.
