Epic Games компани болон найруулагч Квентин Тарантино хамтран «Юкигийн өшөө авалт» нэртэй богино хэмжээний кино бүтээжээ. Энэ нь анх «Kill Bill» дилогийн эхний хэсэгт орохоор төлөвлөгдсөн ч эцсийн хувилбар дахь монтажид багтаагүй байсан тусдаа сюжетийн шугам юм.
Төслийг Unreal Engine дээр, Fortnite тоглоомын доторх дүрүүдийн загварыг ашиглан бүтээсэн. Жүжигчин Ума Турман өөрийн домогт дүр болох Беатрикс Киддод дахин эргэн ирж, богино хэмжээний кинонд дүрээ дуу оруулсан байна.
«Юкигийн өшөө авалт» киноны премьер 2025 оны 11-р сарын 30-нд. Үзвэр нь Fortnite тоглоомын дотор явагдана: үзэхийн тулд тоглоомын үндсэн дэлгэц дээрх «Хайх» цэсний дээд мөрийг нээх хэрэгтэй. “Кино театрын хаалга” буюу тусгай лобби эхлэхээс 30 минутын өмнө нээгдэнэ.
Үүнтэй зэрэгцэн богино хэмжээний киног АНУ, Канад, Их Британийн зарим кино театруудад «Kill Bill: The Whole Bloody Affair» гэх дөрвөн цагийн нэгдсэн хувилбарын хязгаарлагдмал үзвэрийн хүрээнд гаргах юм. Энэ хувилбар нь «Kill Bill» киноны хоёуланг нь нэг бүтээл болгон нэгтгэсэн өргөтгөсөн верси юм.
АНУ-ын тоглогчид киноны тасалбар худалдан авбал тоглоом дотор ашиглах Гого Юбари скиний код авах боломжтой. Харин 11-р сарын 27–12-р сарын 1-ний хооронд Fortnite-д нэвтэрсэн бүх хэрэглэгч Юкигийн облик-ийг үнэгүй авч чадна. Мөн «Kill Bill»-ийн сэдэвтэй бусад скинууд Fortnite-ийн battle royale горимын дэлгүүрт худалдаанд гарах аж.
