Hangar 13 студи Mafia: The Old Country тоглоомын шинэ геймплей трэйлерийг олон нийтэд танилцууллаа. Тус видео нь 8-р сарын 8-нд гарах тоглоомын албан ёсны нээлтийн өмнөх сурталчилгаа юм. Энэхүү хэсэгт тоглогчид Сицилийн Торризи овгийн мафийн гэр бүлд нэгдэж буй гол дүр Энцогийн анхны алхмуудыг харж болно. Тоглоомын үйл явдал XX зууны эхэн үеийн Сицилид өрнөнө.
«Торризи гэр бүл ажлаа өөрсдийнхөөрөө зохицуулдаг» — гэх үгсээр Дон тушаал өгч, Энцогийн гэмт хэргийн замнал эхэлнэ. Тэр заналхийлж, мөнгө хурааж, цус урсгасан тулалдаанд оролцох замаар өөрийгөө гэр бүлдээ үнэнч гэдгээ баталдаг.
Шинэ трэйлерт тоглоомын олон талт механикийг харуулсан. Үүнд: Сан Челестегийн дээврээр үсрэх паркур, морин хөөцөлдөөн, дайсны нутгийн гүн рүү чимээгүй нэвтрэх байдал орно. Мөн “Instinct” хэмээх шинэ горим танилцуулагдсан бөгөөд энэ нь хана болон саадыг нэвтлэн дайсныг олж харах боломж олгодог.
Төслийн захирал Алекс Кокс:
«Сицилийн мафийн домгийг ийнхүү дэлгэцнээ амилуулж буйдаа бид маш их баяртай байна» гэж мэдэгдсэн.
Mafia: The Old Country тоглоомын урьдчилсан захиалга PlayStation 5-д аль хэдийн нээлттэй. PC, Xbox Series болон PS5 хувилбарууд 2025 оны 8-р сарын 8-нд худалдаанд гарна.
